11:46 - 25.09.2026

---

25 Sentyabr, Fineko/abc.az. Azərbaycan Mərkəzi Bankı cari ilin avqust ayı üzrə bank sektorunun əsas statistik göstəricilərini açıqlayıb.

Hesabata əsasən, əhalinin banklardakı əmanət portfeli (sahibkarlıqla məşğul olan fiziki şəxslər istisna olmaqla) ilin əvvəlinə nəzərən 9,1% (1 487,4 mln. manat) artaraq 17 milyard 810,9 milyon manat təşkil edib. Bu məbləğin 64,7%-i (11 520,7 mln. manat) müddətli əmanətlərin payına düşür.

Hesabat dövründə bank sektoru üzrə unikal müddətli əmanətçi sayı ötən aya nəzərən 1,2% (2 692 əmanətçi) artaraq 226 056 nəfər olub.

Eyni zamanda, əmanətlərin dollarlaşması səviyyəsi müvafiq dövrə nəzərən 3,9 faiz bəndi azalaraq 28,8%-ə düşüb. Broad pul kütləsi (M2) isə ilin əvvəlinə nəzərən 10% artaraq 44 milyard 416,6 milyon manat səviyyəsinə çatıb.