17:31 - 11.09.2026

---

11 sentyabr, Fineko/abc.az. TEİAŞ-ın İdarə Heyətinin sədri Mustafa Pustu Bakıda təşkil olunan Azərbaycan-Türkiyə V Enerji Forumunda enerji keçidinin və interkonnektor xətlərinin vacibliyinə toxunub.

M.Pustu elektrik enerjisinin ötürülməsini iqtisadi inkişafın, sosial rifahın və milli təhlükəsizliyin əsas ünsürlərindən biri kimi qiymətləndirib.

Bərpa olunan enerji mənbələrinin şəbəkələrə inteqrasiyası və ölkələrarası interkonnektor gücünün artırılması məsələsi artıq təkcə milli deyil, regional miqyasda həllini tapmalıdır.

Türkiyə elektrik sisteminin fasiləsiz və keyfiyyətli istismarına məsul olan TEİAŞ regional enerji baxışına töhfə verməyə davam edəcək.