15:53 - 10.09.2026

---

10 Sentyabr, Fineko/abc.az. Dünyanın aparıcı investisiya bankları və broker şirkətləri, Yaxın Şərqdə (xüsusilə İran ətrafında) davam edən hərbi münaqişənin investor əhval-ruhiyyəsinə mənfi təsir göstərməsinə baxmayaraq, ABŞ-ın fond bazarındakı artım trendinin 2026-cı ildə də davam edəcəyini proqnozlaşdırırlar.

Analitiklər birja indekslərinin yüksəlişini əsasən süni intellekt (AI) sektorundakı güclü dinamika və korporativ mənfəətlərin artımı ilə əlaqələndirirlər.

Bazar ekspertlərinin qiymətləndirmələrinə görə, texnologiya nəhənglərinin gəlirliliyini qoruması və mərkəzi bankların monetar siyasətindəki yumşalma gözləntiləri "S&P 500" indeksini yeni rekord səviyyələrə daşıya bilər.

Lakin bununla yanaşı, geostrateji gərginliklər və enerji bazarlarındakı dalğalanmalar birjalarda qısamüddətli volatillik risklərini yüksək saxlayır.