10:02 - 11.09.2026

---

11 Sentyabr, Fineko/abc.az. Dünya bazarında Azərbaycanın etalon xam nefti olan “Azeri Light” (CIF) markalı neftin qiymətində kəskin artım qeydə alınıb.

 Bir barelinin qiyməti 6,22 dollar və ya 5,49 faiz yüksələrək 119,54 dollar təşkil edib.

Konyunkturadakı bu sıçrayış qlobal enerji bazarındakı ümumi bahalaşma və tədarük zəncirinə dair gözləntilərlə bağlıdır.

 Məlumat üçün bildirək ki, “Azeri Light” neftinin tarixən ən aşağı qiyməti 2020-ci ilin aprelində (15,81 dollar), maksimum göstəricisi isə 2008-ci ilin iyulunda (149,66 dollar) qeydə alınıb. Qeyd edək ki, Azərbaycan Respublikasının 2026-cı il dövlət büdcəsində neftin bir barelinin orta qiyməti 65 dollar həddində nəzərdə tutulub.