11:03 - 8.09.2026

---

8 Sentyabr, Fineko/abc.az. Almaniyanın premium avtomobil brendi "Audi" Avropa bazarının kiçikseqmentli avtomobil sektorundakı payını artırmaq və qlobal satış dinamikasını bərpa etmək məqsədilə yeni kompakt "A2 e-tron" elektrik modelini təqdim edib.

Yeni model Çin avtomobil istehsalçılarının Avropa bazarında getdikcə artan büdcəyönümlü elektromobil təzyiqinə cavab olaraq hazırlanıb.

İngolştadtdakı baş zavodda istehsal olunacaq "A2 e-tron" bir dəfə doldurulmaqla 646 km-ədək (WLTP) məsafə qət edə bilir və brendin tarixdəki ən effektiv elektrik modeli hesab olunur. Almaniyada ilkin satış qiyməti 38 200 avro səviyyəsində müəyyən edilən model üçün sifarişlər sentyabrın 10-dan etibarən açılır, ilk təslimatlar isə dekabr ayına planlaşdırılır.