21:41 - 3.07.2026
3 iyul, Fineko/abc.az. Moskvada Rusiya, Azərbaycan və İran arasında "Şimal-Cənub" Beynəlxalq Nəqliyyat Dəhlizinin qərb marşrutunun gələcək inkişafına dair üçtərəfli protokol imzalanıb.
Tərəflər Astara sərhəd-keçid məntəqəsi vasitəsilə yük axınının artdığını bəyan ediblər. Cari ilin iyun ayında daşınmaların həcmi 47.5 min tona çatıb ki, bu da ötən ilin eyni dövrü ilə müqayisədə 50% çoxdur. Birinci yarımilliyin yekunlarına görə, cənub istiqamətində daşınmalar təxminən 27% artıb. Rusiyadan İrana taxıl ixracı isə ötən ilin göstəricisini 4 dəfədən çox üstələyib.
Görüş iştirakçıları həmçinin vahid rəqəmsal nəqliyyat dəhlizinin yaradılması, elektron məlumat mübadiləsinin unifikasiyası və kağız sənədləşməsindən mərhələli şəkildə imtina edilməsi barədə razılığa gəliblər.
