15:51 - 11.06.2026

---

11 iyun, Fineko/abc.az. Vaşinqton ştatında Twelve şirkəti tərəfindən ABŞ-da ilk kommersiya AirPlant One zavodu işə salınıb. Müəssisə atmosferdən tutulan CO₂, su və bərpa olunan enerji hesabına sintetik aviasiya kerosini (E-Jet) istehsal edir.

ABC.AZ xəbər verir ki, yanacaq xüsusiyyətlərinə görə adi kerosinlə eynidir və mövcud təyyarələrdə heç bir texniki dəyişiklik olmadan istifadə oluna bilər. Layihənin məqsədi aviasiyada karbon dövriyyəsini bağlamaq və emissiyaları azaltmaqdır.

Bununla belə, zavodun gücü hələ məhduddur, istehsal xərcləri isə yüksək qalır və bu səbəbdən layihə hələlik neftə real alternativdən çox texnoloji nümayiş xarakteri daşıyır.