15:35 - 21.05.2026

---

21 may, Fineko/abc.az. Çində Heiluntszyan və Szilin şimal-şərq əyalətlərində nadir torpaq elementlərinin yeni yataqları aşkar edilib. Bu yataqların hasilatı daha ucuz, daha sadə və ətraf mühit üçün daha az zərərli ola bilər.

ABC.AZ xəbər verir ki, Çin Elmlər Akademiyasının alimlərinin apardığı tədqiqat nəticəsində bu ehtiyatların uzunmüddətli donma və ərimə dövrləri nəticəsində formalaşdığı müəyyən edilib. Onlar cənub bölgələrindəki yataqlarla müqayisədə daha sadə hasilat texnologiyası ilə seçilir.

Qiymətləndirmələrə görə, bu kəşf Çinin mövqelərini daha da gücləndirə bilər. Hazırda ölkə nadir torpaq elementlərinin qlobal emalının təxminən 90%-ni və hasilatın 60%-dən çoxunu təmin edir. Bu elementlər elektrik avtomobilləri, elektronika və müdafiə sənayesində geniş istifadə olunur.