10:10 - 5.05.2026

---

5 may, Fineko/abc.az. ADNOC inkişaf strategiyasını sürətləndirərək hasilat və emal sahələrində yeni layihələrə $55 mlrd həcmində investisiya yönəldəcək.

ABC.AZ xəbər verir ki, bu barədə Bloomberg məlumat yayıb.

Qərar Birləşmiş Ərəb Əmirliklərinin OPEC-dən çıxmasından sonra qəbul edilib. Vəsait 2030-cu ilə qədər nəzərdə tutulan $150 mlrd-lıq investisiya planının tərkib hissəsidir.

Şirkət qlobal tələbatın dəyişməsinə daha çevik reaksiya vermək üçün hasilat siyasətini yumşaltacağını açıqlayıb. Eyni zamanda OPEC+ ölkələri yalnız minimal kvota artımı barədə razılığa gəlib.

BƏƏ-nin bu addımı alyans daxilində gərginliyi artırıb və xüsusilə Səudiyyə Ərəbistanı ilə fikir ayrılıqlarını daha da qabardıb.