10:55 - 4.05.2026

---

4 may, Fineko/abc.az. İsrailin Rafael Advanced Defence Systems şirkəti Osnabrükdə yerləşən zavodun mümkün alışı ilə bağlı Volkswagen AG ilə memorandum imzalayıb.

ABC.AZ xəbər verir ki, müəssisənin avtomobil istehsalından hava hücumundan müdafiə (HHM) və raket əleyhinə müdafiə (RƏM) sistemlərinin komponentlərinin, o cümlədən raket mühərriklərinin istehsalına yönəldilməsi nəzərdən keçirilir.

Bu razılaşma Almaniyada hərbi xərclərin artması fonunda müdafiə sənayesinə marağın gücləndiyini göstərir. Müdafiə şirkətləri üçün belə tərəfdaşlıqlar inkişaf etmiş sənaye bazasına və ixtisaslı kadrlara çıxış imkanı yaradır, istehsalın miqyasını artırmağa şərait yaradır.