10:26 - 1.05.2026
1 may, Fineko/abc.az. Tesla “Semi” yük maşınının iri həcmli seriyalı istehsalına başladığını açıqlayıb. Belə ki, ilk avtomobil artıq konveyerdən çıxıb.
ABC.AZ xəbər verir ki, tədarüklərin bu il başlanacağı gözlənilir.
“Semi” — uzun məsafəli daşımalar üçün nəzərdə tutulmuş tam elektrik yük maşınıdır və bir dəfə qidalanmaya 800 km-ə qədər məsafə qət edə bilir.
Şirkət 2026-cı ildə yeni məhsulların genişmiqyaslı istehsalı planlarını həyata keçirməyə davam edir. Tesla daha əvvəl kapital xərclərini 20 milyard dollardan çox artırmağı planlaşdırdığını bildirib və investisiyaları yük maşınlarının, pilotsuz Cybercab avtomobillərinin, Optimus humanoid robotlarının, həmçinin batareya və litium istehsalının inkişafına yönəldəcək.
