14:26 - 24.04.2026

---

24 aprel, Fineko/abc.az. Avropa İttifaqında yeni avtomobil bazarı 2026-cı ilin əvvəlində güclü bərpa nümayiş etdirir.

ABC.AZ xəbər verir ki, bu barədə Avropa Avtomobil İstehsalçıları Assosiasiyasının (ACEA) məlumatlarında qeyd olunur.

2026-cı ilin mart ayında Aİ-də yeni avtomobil qeydiyyatları ötən ilin eyni dövrü ilə müqayisədə 12,5% artıb. Ümumilikdə birinci rübdə artım 4% təşkil edib.

Artımın əsas səbəbləri kimi yüksək istehlak fəallığı, Avropanın iri ölkələrində yenilənmiş vergi stimulları və ekoloji nəqliyyata keçidin sürətlənməsi göstərilir.

Elektrik avtomobillərinin bazar payı bir il ərzində 15,2%-dən 19,4%-ə yüksəlib, hibrid avtomobillər isə 38,6% göstərici ilə liderliyini qoruyub. Eyni zamanda benzin və dizel avtomobillərinin ümumi payı 38,2%-dən 30,3%-ə enib.