16:04 - 17.04.2026

---

17 aprel, Fineko/abc.az. Macarıstanda parlament seçkilərində qalib gələn “Tisa” partiyası ölkəni mümkün avro zonasına daxil olmaq üçün növbəti dörd il ərzində hazırlamaq niyyətindədir.

ABC.AZ xəbər verir ki, məlumata görə, avroya keçid təxminən 2030-cu ildə baş tuta bilər.

Partiyada maliyyə məsələlərinə cavabdeh olan Andraş Karman bildirib ki, hakimiyyətə gəldikdən sonra “Tisa” ölkənin iqtisadi vəziyyətini qiymətləndirəcək və məsləhətləşmələr aparacaq, daha sonra avronun tətbiqi üçün yekun tarix müəyyən ediləcək. O, əlverişli şəraitdə və qiymət sabitliyi təmin olunarsa, keçidin 2030-cu ildən də əvvəl baş tuta biləcəyini istisna etməyib.

Partiya həmçinin bazar iqtisadiyyatına uzunmüddətli perspektivdə uyğun olmadığını hesab etdiyi dövlət qiymət tənzimləməsindən imtina etməyi planlaşdırır.

Keçmiş baş nazir Viktor Orban isə Macarıstanın avro zonasına qoşulmasına qarşı çıxaraq, milli valyuta olan forintin qorunmasının iqtisadi müstəqillik üçün vacib olduğunu bildirmişdir.