16:33 - 15.04.2026

---

15 aprel, Fineko/abc.az. İran yaxın iki həftə ərzində ABŞ-ın mümkün dəniz blokadası təhlükəsi səbəbindən neft hasilatını kəskin azaltmaq məcburiyyətində qala bilər. Bu blokada ixracı dayandıra və anbarların dolmasına gətirib çıxara bilər.

ABC.AZ xəbər verir ki, bu barədə Financial Times (FT) qəzeti yazır.

Nəşrin məlumatına görə, İslam Respublikasında yeraltı neft anbarları artıq 51% doludur. İran gündəlik təxminən 1,8 milyon barel neft ixrac edir. Analitiklər hesablayıblar ki, hasilat eyni səviyyədə davam edərsə, cəmi 16 gün ərzində ehtiyatlar pandemiya dövründə qeydə alınmış rekord səviyyəni – 92 milyon bareli ötəcək.

“Energy Aspects” konsaltinq şirkətinin geosiyasət üzrə eksperti Riçard Bronza FT-yə bildirib ki, Tehranın müvəqqəti çıxış yolu var. Son günlər Fars körfəzinə üzən anbar kimi istifadə oluna biləcək tankerlər daxil olub. Keçmişdə, Vaşinqtonla münasibətlərin gərginləşdiyi dövrlərdə İran hər gün bir-iki supertanker yükləyirdi. Belə gəmilərin hər biri 2 milyon barelədək neft qəbul edə bilir.

Hazırda İranın gündəlik hasilatı 3,6 milyon barel təşkil edir və bunun yarısı ölkə daxilində istehlak olunur.