15:07 - 6.04.2026
6 aprel, Fineko/abc.az. Münaqişənin başlanmasından bəri ilk dəfə olaraq Qətərə məxsus LNG daşıyan iki tanker (Al Daayen və Rasheeda) Hörmüz boğazından çıxış istiqamətində hərəkətə başlayıb. Əgər onlar Fars körfəzini tərk edə bilsələr, bu, ABŞ və İsrailin İrana zərbələr endirməsindən sonra regiondan kənara ilk qaz ixracı olacaq.
ABC.AZ xəbər verir ki, daha əvvəl boğaz faktiki olaraq dünya üzrə LNG tədarükünün təxminən 20%-ni bloklayaraq qiymətlərin artmasına səbəb olmuşdu. Qətərin Ras Laffan-dakı əsas zavodunun dayanmasına baxmayaraq, tankerlərin uğurlu keçidi artıq yüklənmiş qazın qlobal bazara çıxarılmasının bərpasına yol aça bilər.
