14:17 - 6.04.2026

---

6 aprel, Fineko/abc.az. Səudiyyə Ərəbistanı, İraq, BƏƏ və Küveyt Fars körfəzində hərbi qarşıdurma fonunda neft hasilatını azaldıb. Ümumi azalma sutkada 6,7 milyon barelə çatıb.

ABC.AZ-ın agentliyinə istinadən verdiyi məlumata görə, bu ölkələr ümumi hasilatı üçdə bir qədər azaldıblar ki, bu da qlobal təklifin təxminən 6% azalmasına səbəb olub.

Səudiyyə Ərəbistanı hasilatı 2–2,5 milyon barel/sutka, İraq 2,9 milyon barel/sutka, BƏƏ 500–800 min barel/sutka, Küveyt isə təxminən 0,5 milyon barel/sutka azaldıb.

Bloomberg analitikləri bildirirlər ki, nisbətən ən kəskin azalma İraqda qeydə alınıb. Səudiyyə Ərəbistanı, BƏƏ və Küveyt isə fevral ayı ilə müqayisədə hasilatı 20–25% azaldıblar.