15:22 - 10.03.2026

---

10 mart, Fineko/abc.az. İraq, Küveyt, BƏƏ və Səudiyyə Ərəbistanı birgə olaraq neft hasilatını gündə 6,7 milyon barel azaldıb.

ABC.AZ xəbər verir ki, bu, onların ümumi istehsalının təxminən üçdə birinə və dünya tədarükünün 6%-ə yaxındır.

Məlumata görə, İraq hasilatı 2,9 mln b/s azaldıb, Səudiyyə Ərəbistanı – 2–2,5 mln b/s, BƏƏ – 500–800 min b/s, Küveyt – təxminən 500 min b/s.

Səudiyyə Ərəbistanı, BƏƏ və Küveyt üçün bu azalma 2026-cı ilin fevral səviyyəsindən 20–25% təşkil edib.

Azalmanın səbəbi Hörmüz boğazının faktiki bağlanmasıdır; bu boğaz vasitəsilə dünya neft ixracının təxminən 20%-i həyata keçirilir. Dəniz yolu ilə tədarük mümkün olmadığından, anbarlar həddindən artıq dolub və region ölkələri hasilatı və emalı azaltmağa məcbur olub.