10:35 - 30.01.2026

---

30 yanvar, Fineko/abc.az. 11 fevral 2026-cı il saat 12:00-da vergi ödəyicilərinin siyahıya alınmış əmlakları 40% endirimlə hərracda satılacaq.

ABC.AZ xəbər verir ki, satışa Beyləqan, Sabirabad, İmişli, Gəncə, Salyan, Hacıqabul və Bakı (Mərdəkan) ərazilərində yerləşən torpaq sahələri, qeyri-yaşayış obyektləri və əmlak kompleksi çıxarılıb. Ən bahalı əmlak Mərdəkan qəsəbəsində 10 sot torpaq sahəsidir — 150 000 manat.

Ən iri torpaq sahəsi isə Beyləqanda 8.641 hektar olub, 31 107 manat ilkin qiymətlə təklif edilir.

Daşınmaz əmlaklar üzrə beh məbləği satış qiymətinin 5%-i təşkil edir.