09:36 - 29.12.2025

---

29 dekabr, Fineko/abc.az. Etalon markaların qiyməti ötən cümə günü hərracların nəticələrinə görə azaldıqdan sonra bazar ertəsi hərracda yüksəlir.

Brent markalı neftin ICE Futures birjasında mart fyuçerslərinin qiyməti saat 09:33-ə olan məlumata görə $0,62 (1,03%) artaraq bir barel üçün $60,86-a yüksəlib. Dekabrın 26-da keçirilən hərracların nəticələrinə görə, Brent-in mart fyuçersləri $1,56 (2,52%) ucuzlaşaraq bir barel üçün $60,24-a çatıb.

NYMEX əmtəə birjasının ticarətində WTI neftinin fevral fyuçerslərinin dəyəri saat 09:33-ə olan məlumata görə $0,60 (1,06%) artaraq bir barel üçün $57,34-a yüksəldi. Dekabrın 26-da keçirilən hərracların nəticələrinə görə, WTI neftinin fevral fyuçersləri $1,61 (2,76%) ucuzlaşaraq bir barel üçün $56,74-a düşüb.

Ötən həftə Brent markalı neft 0,28%, WTI isə 0,39% bahalaşıb. İlin əvvəlindən Brent nefti 19%, WTI isə 21% ucuzlaşıb. Bu, 2020-ci ildən bəri ən zəif dinamikdir.