15:34 - 10.12.2025

---

10 dekabr, Fineko/abc.az. (özəl xəbər) Azərbaycan Dövlət Televiziyası (AZTV) və Baku TV-də ixtisarlar aparılır.

ABC.AZ-ın əldə etdiyi məlumata görə, hazırda hər iki kanalda da xeyli sayda işdən çıxarılanlar var. Mənbəmizin sözlərinə görə, hətta Baku TV-dən hər həftə işdən çıxarılanlar olur.

Ümumilikdə isə indiyədək adıçəkilən kanaldan 120-yə yaxın işçinin işinə xitam verildiyi bildirilir. İxtisarların əsasən də rus redaksiyasını əhatə etdiyi bildirilir.

Məlumata görə, bu həm də kanallarda optimallaşma işləri çərçivəsində həyata keçirilir.

Müəllif: Elmir Muradov