14:38 - 27.11.2025

---

27 noyabr, Fineko/abc.az. Bu ilin ilk 9 ayında Azərbaycandan xarici ölkələrə 28 min ABŞ dolları dəyərində 33,5 ton bibər göndərilib.

ABC.AZ Dövlət Statistika Komitəsinə istinadən xəbər verir ki, bu, 2024-cü ilin eyni dövrünün göstəricisindən dəyər ifadəsində 3 dəfə, kəmiyyət olaraq – 3 dəfə çoxdur.

Hesabat dövründə Azərbaycan Rusiyaya 16,8 min ABŞ dolları dəyərində (1 il əvvəlki göstəricidən 84 % çox) 20,8 ton (+75 %), Gürcüstana 7,9 min ABŞ dolları dəyərində 12,5 ton və Səudiyyə Ərəbistanına 3,3 min ABŞ dolları dəyərində 0,2 ton (1 il əvvəl tədarük olmayıb) məhsul satıb.

Azərbaycan sonuncu dəfə Gürcüstana 2013-cü ildə bibər (0,3 min ABŞ dolları dəyərində 3,4 ton) tədarük edib.