11:30 - 25.11.2025

---

25 noyabr, Fineko/abc.az. Ukraynada inflyasiya iyun ayında başlayan tendensiyanı nümayiş etdirərək yavaşlamağa davam edir. Bu o deməkdir ki, qiymətlər aşağı düşmür, lakin onların böyüməsi əvvəlkindən daha yavaş olur.

ABC.AZ xəbər verir ki, Milli Bankın proqnozlarına görə, bu ilin sonunda inflyasiya 10%-dən aşağı, gələn il isə 7%-dən az olacaq.

Oktyabr ayında inflyasiya 10,9%-ə qədər enib, may ayında demək olar ki, 16% olmuşdu —Mərkəzi Bank məhz belə proqnoz vermişdi.

"Qiymətlərin yavaşlamasına yeni məhsul yığımı təkan verib. Belə ki, tərəvəzlər bu il əvvəlkindən daha ucuzdur. UMB (Ukrayna Milli Bank) qrivnada əmanətlərinin cəlbediciliyini qorumaq üçün tədbirləri də mühüm rol oynayıb: ukraynalılar qrivnada depozitlər açır və investisiya qoyurlar. Buna görə valyutaya tələb orta səviyyədə qalır, məzənnə və qiymətlərə təzyiq isə daha azdır, deyə məlumatda qeyd olunur.