12:22 - 28.10.2025
28 oktyabr, Fineko/abc.az. Azərbaycan Qida Təhlükəsizliyi Agentliyi (AQTA) yeni tədris ilində “Sağlam məktəbli” layihəsini davam etdirir.
ABC.AZ xəbər verir ki, AQTA-nın təşəbbüsü ilə həyata keçirilən bu maarifləndirmə proqramı şagirdlərin sağlam qidalanma və qida təhlükəsizliyi sahəsində biliklərini artırmaq, məktəb mühitində sağlam vərdişləri gücləndirmək məqsədi daşıyır.
Görüş çərçivəsində məktəblilərə Agentliyin fəaliyyət istiqamətləri, eləcə də qida təhlükəsizliyinin təmin olunması və sağlam qidalanmanın vacibliyi barədə məlumat veriləcək.
Qeyd edək ki, 2018-ci ildə start verilən “Sağlam məktəbli” layihəsi çərçivəsində məktəblilərlə belə görüşlərin davamlı olaraq təşkil edilməsi planlaşdırılıb.
