12:08 - 25.09.2025
25 sentyabr, Fineko/abc.az. Freeport-McMoRan, dünyanın ikinci ən böyük mis mənbəyi olan İndoneziyanın ən iri Grasberg mədənindən tədarük üçün fors-major elan etdikdən sonra dünyada mis qiymətləri yüksəlib. Şirkət, həmçinin fövqəladə hal və iki işçinin həyatını itirən qəzadan sonra itkin düşən beş işçinin davamlı axtarışı səbəbindən mis və qızıl satış proqnozunu dörddə bir azaldıb.
ABC.AZ xəbər verir ki, bu barədə Bloomberg yazır.
London birjasında, üç aydan sonra tədarük ilə misin dəyəri 3,6% artaraq bir ton üçün maksimum 10 336,5 dollara çatıb. Freeport səhmləri Nyu-Yorkda 15% azalıb, Glencore və Teck Resources daxil olmaqla rəqiblərin qiymətləri isə əksinə, artıb.
