11:31 - 25.08.2025

---

25 avqust, Fineko/abc.az. Brent qlobal neft etalonu aprel ayından etibarən ilk dəfə Yaxın Şərqin Dubai sortu ilə müqayisədə endirimlə satılır. Belə ki, fərq barel başına 3 sent az olub.

ABC.AZ xəbər verir ki, adətən, Asiya üçün əsas təchizatçı olan Körfəz nefti Brent-ə nisbətən endirimlə satılır.

OPEC+ ölkələri və müstəqil istehsalçılar tərəfindən hasilatın artması yaxın aylarda tədarükün artıqlığı gözləntilərinə səbəb olub. Təklif profisiti riski Brent kotirovkalarına təzyiq göstərir. Yaxın Şərq sortlarına əlavə dəstək, Hindistan neft emalı zavodları tərəfindən satınalmaların artması olub: ABŞ prezidenti Donald Trampın Rusiya neftinin idxalına görə sanksiyalar tətbiq etmək təhdidləri fonunda, ən iri Hindistan alıcıları bölgə dövlətlərindən idxalı artırırlar.