14:40 - 21.08.2025

---

21 avqust, Fineko/abc.az. Norveçin neft-qaz şirkəti Aker BP Şimal dənizindəki İqqdrasil yatağında böyük neft və qaz yatağı kəşf edib.

ABC.AZ xəbər verir ki, "Omega Alpha" yatağında qazma zamanı 96-134 milyon barel neft ekvivalentində hasil olunan ehtiyatlar təsdiqlənib.

Operatorun fikrincə, bu, son on ildə Norveçdə ən əhəmiyyətli ticarət tapıntılarından biridir, deyə Reuters yazır. Kəşfiyyat üç lisenziya sahəsi üzrə aparılıb.
Şirkət yeni yataqların aşkarlanması üçün  İqqdrasil bölgəsində geoloji kəşfiyyatı davam etdirməyi planlaşdırdıqlarını deyib.