11:38 - 31.07.2025

---

31 iyul, Fineko/abc.az. Qazaxıstanın energetika naziri Yerlan Akgenjenov Bakı-Tbilisi-Ceyhan neft kəməri ilə Qazaxıstan neftinin tranzitinin artırılması planlarından danışıb.

ABC.AZ xəbər verir ki, bu barədə Qazaxıstan mediası məlumat yayıb.

Yerlan Akgenjenov artımın bu il planlaşdırıldığını deyib:

"Ötən il ərzində biz bu istiqamətdə təxminən 1,4 milyon ton nəql etmişiksə, 2025-ci ildə təxminən 1,7 milyon ton nəql etməyi planlaşdırırıq. Ötən 6 ay ərzində biz bu marşrut üzrə təxminən 800 min ton nəql etmişik. İşlər davam edir, bu, bizim əsas alternativ marşrutlarımızdan biridir".