14:19 - 24.07.2025

---

24 iyul, Fineko/abc.az. Macarıstanın xarici işlər və xarici iqtisadi əlaqələr naziri Peter Siyarto Macarıstan və Serbiya arasında neft kəmərinin tikintisi layihəsinin hazırlığın aktiv mərhələsində olduğunu bildirib.

ABC.AZ xəbər verir ki, Siyartonun sözlərinə görə, tikinti 2027-ci ildə tamamlana bilər.

Macarıstanın Xarici İşlər Naziri qeyd edib ki, yeni neft kəmərinin istismarı yalnız istehlakçılar tərəfindən uzunmüddətli öhdəliklər olduqda mümkündür. Macarıstan Sazhalombatdakı neft emalı zavodunu Serbiya ilə birləşdirəcək və Rusiya neftinə çıxışı təmin edəcək layihəyə üç il ərzində 320 milyon avro yatırmağı planlaşdırır. Boru kəmərinin uzunluğu 300 km, gücü ildə təxminən 5 milyon ton olacaq. Macarıstan tranzit ölkəyə çevriləcək və Serbiya yeni tədarük kanalları alacaq.

Layihənin icrası “MOL” və Serbiyanın “Transnafta” şirkəti tərəfindən həyata keçirilir. Ukrayna və Xorvatiya tərəfindən xammal tranzitinin maya dəyərinin artması nəzərə alınmaqla hər iki ölkə üçün vacib olacaqdır.