09:25 - 30.06.2025

---

30 iyun, Fineko/abc.az. Etalon markaların qiyməti ötən həftənin sonunda düşdükdən sonra bazar ertəsi hərracda azalır.

Brent markalı neftin avqust fyuçersləri ICE Futures birjasında saat 09:15-ə olan məlumata görə, $0,16 (0,24%) azalaraq bir barel üçün $67,61-a düşüb. İyunun 27-də keçirilən hərracların nəticələrinə görə, Brent neftinin avqust fyuçersləri $0,04 (0,06%) artaraq bir barel üçün $67,77-a çatıb.

NYMEX əmtəə birjasının ticarətində WTI neftinin avqust fyuçersləri saat 09:15-ə olan məlumata görə $0,20 (0,31%) azalaraq bir barel üçün $65,32-a düşüb. 27 iyun ticarətinin nəticələrinə görə, WTI neftinin avqust fyuçersləri $0,28 (0,43%) – bir barel üçün $65,52-a yüksəlib.

Ötən həftə Brent markalı neft 12%, WTI neft isə 11,27% ucuzlaşıb.