10:22 - 10.06.2025

---

10 iyun, Fineko/abc.az. Çərşənbə axşamı keçirilən hərracda etalon markaların qiyməti yüksəlir.

Brent markalı neftin avqust ayı üçün ICE Futures birjasında qiyməti 09:35-də  0,12 dollar (0,18%) artaraq bir barel üçün 67,16 dollara çatıb. İyunun 9 – da keçirilən hərracların nəticələrinə görə, Brent neftinin  avqust fyuçersləri 0,57 dollar (0,86%) artaraq bir barel üçün 67,04 dollara çatıb.

09:35-ə qədər NYMEX əmtəə birjasının ticarətində WTI neftinin iyul fyuçerslərinin qiyməti 0,05 dollar (0,08%) artaraq bir barel üçün 65,34 dollara yüksəlib. 9 iyun ticarətinin nəticələrinə görə, WTI neftinin iyul fyuçersləri 0,71 dollar (1,10%) – bir barel üçün 65,29 dollara yüksəldi.
Ötən həftənin nəticələrinə görə, Brent markalı neft 5,88%,  WTI nefti isə 6,23% bahalaşıb.