17:33 - 5.06.2025
5 iyun, Fineko/abc.az. 2025-ci ilin may ayında İstanbulda dörd nəfərlik bir ailənin yaşayış dəyəri keçən ilin may ayına nisbətən 49,09% artaraq 91,722 lirəyə (2,344 dollar) çatıb.
ABC.AZ xəbər verir ki, bu barədə İstanbul Planlaşdırma Agentliyinin (IPA) məlumatlarında deyilir. Bu, ölkədəki minimum əmək haqqının dörd qatından çoxdur.
Müqayisə üçün, 2024-cü ilin may ayında bu məbləğ 61.523 lirə idi. İPA-nın məlumatına görə, aprel ayında artım 1,88% təşkil edib.
Yaşayış dəyəri Həmkarlar İttifaqları Konfederasiyasının (Türk-İş) qurduğu yoxsulluq həddini aşaraq 81.733 lirə (2.088 dollar) təşkil edib. Bu, ailənin əsas ehtiyaclarını ödəmək üçün lazım olan məbləğ.
Bunun fonunda Türkiyə inflyasiya ilə mübarizəni davam etdirir: 2022-ci ilin oktyabrında 85%-lik zirvədən sonra may ayında rəsmi rəqəm 35,4%-ə düşüb, baxmayaraq ki, müstəqil ENAG qrupu bunu 71,2% səviyyəsində qiymətləndirir.
