17:32 - 3.06.2025

---

3 iyun, Fineko/abc.az. Fransanın TotalEnergies şirkəti Low Carbon şirkətindən 350 MVt gücündə günəş istehsalı layihələri, həmçinin 85 MVt gücündə iki enerji saxlama layihəsi həyata keçirən aktivlər portfelini satın aldığını elan edib.

ABC.AZ xəbər verir ki, obyektlər İngiltərənin cənubunda yerləşir. Onlar, 2028-ci ilə qədər istismara verilə bilər və İngiltərədəki 100 min ev təsərrüfatının istehlakına bərabər elektrik enerjisi istehsal edə bilərlər.

Satınalma, İngiltərədəki TotalEnergies portfelini tamamlayacaq, buraya 1.1 GVT ümumi quraşdırılmış dəniz külək enerjisi, 1.3 GVT kombinə edilmiş dövrəli ümumi qaz turbini və hazırlanma mərhələsində 600 MVt-dan çox günəş layihəsi daxildir.