12:12 - 25.02.2025

---

25 fevral, Fineko/abc.az. Son 20 ildə Azərbaycanda iqlim dəyişikliyi səbəbindən təbii fəlakətlərin başvermə tezliyi xeyli artıb.

ABC.AZ xəbər verir ki, bunu Aqrar Sığorta Fondunun nümayəndəsi Azər Məmmədov bildirib.

“Bu dövr ərzində dolunun tezliyi 3 dəfə, daşqınların sayı 12 dəfə, şiddətli küləkli günlərin sayı isə 18 dəfə çoxalıb”, – deyə o vurğulayıb.

O əlavə edib ki, 2002-ci ildə “Kənd təsərrüfatında sığortanın stimullaşdırılması haqqında” qanun qəbul edilsə də, sistem tam formalaşmamışdı. Yalnız 2019-cu ildə “Aqrar sığorta haqqında” qanunun qəbulu və 2020-ci ildən sistemin fəaliyyətə başlaması aqrar sığortanın inkişafına təkan verib.