DSMF bir ofisə 1 milyon 188 min manat icarə haqqı ödəyəcək

11:55 - 15.11.2024

15 noyabr, Fineko/abc.az. Dövlət Sosial Müdafiə Fondu “Fondun Sosial Ödənişlərin Təyinatı üzrə Mərkəzi Filialı üçün ofis sahəsinin icarəsi xidmətinin satın alınması” tenderinin nəticələrini elan edib. 

ABC.AZ xəbər verir ki, tenderin qalibi Amil Qinyaz oğlu Bayramov olub.

Qalib şirkətə 1 188 000 manat ödəniləcək. 

Qeyd edək ki, qiymət minimum 3000 m2 civarında sahəyə görə 24 ay müddət üçün nəzərdə tutulmalıdır.