11:24 - 11.12.2023

---

11 dekabr, Fineko/abc.az. "Bosch" Almaniyada 1500 nəfəri işdən çıxaracaq.

ABC.AZ xarici mətbuata istinadən xəbər verir ki, bu barədə "Bosch"-un açıqlamasında qeyd edilib. Sözügedən açıqlamada qeyd edilib ki, digər şirkətlər kimi "Bosch" da məşğulluq səviyyəsini sifariş vəziyyətinə, avtomobil sənayesindəki struktur dəyişikliklərinə və gələcək texnologiyaların bazara yayılmasına görə tənzimləməlidir.

Açıqlamada, "Baden-Württemberg əyalətindəki Stuttgart-Feuerbach və Schwieberdingen obyektlərindəki avtomobil bölməsində 2025-ci ilin sonuna qədər 1500 nəfəri ixtisar etmək ehtiyacını görürük",- deyə bildirilir.

Şirkətin açıqlamasında, "Bosch"un, işçilərin başqa departamentlərə köçürülməsi, erkən təqaüdə çıxma və ya könüllü ixtisar müqavilələri vasitəsilə ixtisar ediləcəyi bildirilib.