14:52 - 20.04.2023

---

20 aprel, Fineko/abc.az. Azərbaycanda fəaliyyət göstərən 20 sığorta şirkətinin məcmu aktivləri bu il yanvarın 1-nə 1 455,811 milyon manat təşkil edib.

ABC.AZ xəbər verir ki, bu, ötən il yanvarın 1-nə nisbətən 18,8% çoxdur.
2022-ci ildə sığortaçılardan 14-ü aktivlərini artırıb, 6-sı azaldıb.

Hesabat ilində sığorta şirkətlərinin məcmu uzunmüddətli aktivləri 34,2% artaraq 650,117 milyon manat, məcmu qısamüddətli aktivləri isə 8,7% artaraq 805,695 milyon manat olub. 14 şirkət uzunmüddətli aktivlərini, yenə də 14 şirkət isə qısamüddətli aktivlərini artıra bilib.