15:21 - 18.04.2023

---

18 aprel, Fineko/abc.az. Azərbaycan 2023-cü ilin yanvar-mart aylarında 759,2 ton sitrus meyvə ixrac edib.

ABC.AZ xəbər verir ki, bu barədə Kənd Təsərrüfatı Nazirliyindən deyiblər.

Nazirlikdə illik hesablamada bu göstəricinin 10,8 dəfə artdığı vurğulanıb.

"İxrac göstəricisi dəyər ifadəsində 2022-ci ilin yanvar-mart ayları ilə müqayisədə 6,6 dəfə artaraq, 619,7 min dollar olub", - nazirlikdən bildiriblər.

Qeyd edək ki, 2022-ci ilin yekunlarına görə Azərbaycanın ixrac olunan kənd təsərrüfatı məhsullarının dəyəri 2021-ci illə müqayisədə 3,2 faiz artaraq 1,14 milyard dolları keçib. Ötən il ölkədən ümumilikdə 396 min ton meyvə ixrac edilib ki, bu da 2021-ci illə müqayisədə 5,6 faiz yüksəkdir.