14:19 - 5.04.2022

---

5 aprel, Fineko/abc.az. Azərbaycan yenilənmiş “Henley & Partners Visa Restrictions Index” reytinqində 75-ci yerdə qərarlaşıb. Bu barədə “Henley & Partners”in məlumatında qeyd edilir.

ABC.AZ İnterfaks-Azərbaycan-a istinadən xəbır verir ki, yanvar reytinqində Azərbaycan 74-cü yerdə olub.

“Henley & Partners” şirkətinin viza məhdudiyyətləri üzrə indeksi (Visa Restrictions Index) dünyanın 200-dən çox ölkəsinin və ərazilərin viza tələblərini analiz edir.

“Digər ölkələrin mövqelərində dəyişiklikər səbəbidən Azərbaycan 74-cü yerdən 75-ci yerə enib. Hesabat dövrü ərzində ölkə vizasız səfərlər haqqında müqavilələr imzalamayıb. Azərbaycan vətəndaşları dünyanın 69 ölkəsinə vizasız səfərlər edə bilərlər”, - ikinci rüb üçün İndeksin məlumatında deyilir.