10:19 - 22.02.2022

---

22 fevral, Fineko/abc.az. "Azerbaijan Rigs" MMC könüllü tibbi sığorta üçün təkliflər sorğusu elan edib.

ABC.AZ xəbər verir ki, sorğuda iştirak etmək istəyənlər təkliflərini martın 10-u, saat 17:00-a qədər şirkətin yerləşdiyi Bakı şəhəri, Nərimanov rayonu, Heydər Əliyev prospekti, 121 ("SOCAR Tower") ünvanına təqdim edə bilərlər.

"Azerbaijan Rigs" 2013-cü ildə yaradılıb.

Onun nizamnamə kapitalı 950 milyon manatdır. Şirkətin təsisçiləri 90% payla Dövlət Neft Fondu (ARDNF) və 10% payla Dövlət Neft Şirkətidir (SOCAR).