15:42 - 16.12.2021

---

16 dekabr, Fineko/abc.az . Rusiyanın Baytarlıq və Fitosanitar Nəzarəti üzrə Federal Xidməti (“Rosselxoznadzor”) dekabrın 17-dən Azərbaycanın daha 3 müəssisəsinin Rusiyaya pomidor və alma tədarük etməsinə icazə verib.

ABC.AZ İnterfax-sa istinadən xəbər verir ki, bu barədə qərar Azərbaycan Qida Təhlükəsizliyi Agentliyinin zəmanəti ilə Azərbaycanın səlahiyyətli qurumu tərəfindən müəssisələrdə aparılan fitosanitar monitorinqin nəticələrinə əsasən qəbul edilib. Hazırda Azərbaycanın 214 pomidor istehsalı müəssisəsi, 1 kooperativi və 79 alma istehsalı müəssisəsindən Rusiyaya məhsul ixracı həyata keçirilir.