10:33 - 3.02.2020
3 fevral, Fineko/abc.az. Bu gün “Günay Sığorta” Açıq Səhmdar Cəmiyyəti səhmdarlarının növbədənkənar ümumi yığıncağı keçiriləcək.
ABC.AZ xəbər verir ki, yığıncaqda 2019-cu ilin yekunlarına görə mənfəətlərin dividend şəklində bölüşdürülməsi, hər birinin nominal dəyəri 1000 manat olan 1000 ədəd faizli, təminatsız, sənədsiz, adlı istiqrazların buraxılması (cəmi 1 milyon manatlıq) məsələləri müzakirə olunacaq.
Qeyd edək ki, yığıncaq “Günay Sığorta”nın Bakı şəhəri, AZ 1065, Yasamal rayonu, İnşaatçılar prospekti, 75C ünvanında yerləşən ofisində keçiriləcək.
Müəllif: Elmir Murad
