14:43 - 24.09.2026

---

24 sentyabr, Fineko/abc.az. 2026-cı ilin yanvar-avqust ayları ərzində Azərbaycan sığorta şirkətləri tərəfindən müştərilərə ümumilikdə 773,2 milyon manat  sığorta ödənişi edilib.

 Mərkəzi Bankın hesabatına əsasən, bu göstərici ötən ilin müvafiq dövrü ilə müqayisədə 28,1% artım təşkil edib.

Ümumi ödənişlərin 568,4 milyon manatı həyat sığortası növlərinin payına düşüb ki, bu da illik müqayisədə 33,1% artım deməkdir. Həyat sığortası üzrə ödənişlərin 565,6 milyon manatı  könüllü həyat sığortası, 2,8 milyon manatı  isə icbari həyat sığortası üzrə həyata keçirilib.

Qeyri-həyat sığortası növləri üzrə isə ödənişlər 16,2% artaraq 204,8 milyon manata  yüksəlib. Bu bölmə üzrə ödənilən vəsaitin 97 milyon manatı  könüllü sığorta növlərinin, 107,8 milyon manatı  isə icbari sığorta növlərinin payına düşüb.