16:13 - 21.12.2017

---

21 dekabr, Fineko/abc.az.  Bakı Nəqliyyat Agentliyi (BNA)  şəhər nəqliyyatında xidmətin keyfiyyətinin yaxşılaşdırılması üzrə tədbirlər görməkdə davam edir.

BNA-nin məlumatında deyilir ki, Binəqədi şosesində aparılan yenidənqurma işləri ilə əlaqədar Agentliyin mütəxəssisləri tərəfindən yoldakı vəziyyət təhlil edilib.

“Şosedə  13 avtobus dayanacaq məntəqəsi təşkil edilib, 10 dayanacaq üçün  yeni pavilyonlar quraşdırılıb, 9 yerdə cib, 21 piyada keçidi təşkil edilib”, - məlumatda belə deyilir.

Şosedə görülən işlər “Azərbaycan Avtomobil Yolları”  Dövlət Agentliyi ilə birgə həyata keçirilib.