11:34 - 30.10.2026

---

30 oktyabr, Fineko/abc.az. 2026-cı ilin yanvar–avqust aylarında Azərbaycan Qazaxıstandan 10,02 milyon ABŞ dolları dəyərində 9 264,9 ton qara metallardan hazırlanmış rels idxal edib.

Ötən ilin eyni dövrü ilə müqayisədə rels idxalının fiziki həcmi 12,7 dəfə (1 173,3%), dəyəri isə 11,7 dəfə (1 068,2%) kəskin artım nümayiş etdirib.

Müqayisə üçün qeyd edək ki, 2025-ci ilin ilk səkkiz ayında Qazaxıstandan cəmi 857,45 min dollar dəyərində 727,6 ton rels alınmışdı.

Beləliklə, bir il ərzində idxalın həcmi 8 537,2 ton, dəyəri isə 9,16 milyon dollar yüksəlib.

Göstəricilərin artmasına baxmayaraq, xaricdən alınan relslərin bir tonunun orta idxal qiymətində ucuzlaşma qeydə alınıb.

Ötən ilin yanvar–avqustunda bir ton relsin orta dəyəri 1 178,4 dollar olduğu halda, cari ilin eyni dövründə 8,2% azalaraq 1 081,2 dollara düşüb.

Maraqlıdır ki, rels alışının dəfələrlə artdığı bu dövrdə Azərbaycanın Qazaxıstandan ümumi idxalının həcmi 74,6% azalaraq 122,47 milyon dollar təşkil edib.

Bununla da rels məhsulları Qazaxıstandan edilən ümumi idxalın 8,2%-lik payına sahib olub.