12:13 - 26.10.2026

---

26 Oktyabr, Fineko/abc.az. Avropada təbii qazın qiyməti Yaxın Şərqdə dərinləşən hərbi münaqişələr və kütləvi LNG tədarükü narahatlıqları fonunda həftəyə kəskin artımla başlayıb.

Niderlandın TTF qovşağında noyabr fyuçerslərinin qiyməti 1,9% artaraq MVt-saat üçün 95,65 avroya çatıb və bununla da 2022-ci ilin dekabrından bəri ən yüksək səviyyədə qalıb. 

Fars körfəzindən daşınan mayeləşdirilmiş təbii qazın (LNG) həcmi ötən ilin eyni dövrü ilə müqayisədə təxminən 80% azalıb. 

Eyni zamanda, Avropa İttifaqındakı yeraltı qaz anbarlarının doluluq səviyyəsi cəmi 74,6% təşkil edir ki, bu da tarixi orta göstəricilərdən xeyli aşağıdır. Bu vəziyyət qış soyuqları başlayanda qiymətlərin kəskin şəkildə yüksəlməsi riskini artırır.