12:20 - 30.09.2026

---

30 Sentyabr, Fineko/abc.az. Dəniz daşımalarındakı geosiyasi risklərə baxmayaraq, Yaxın Şərqdən xam neft axını müharibədən əvvəlki göstəricilərə yaxınlaşıb.

 “JPMorgan” və “Goldman Sachs” investisiya banklarının hesabatlarına əsasən, regiondan neft ixracının bərpası davam edir.

“JPMorgan” analitiklərinin qiymətləndirməsinə görə, xam neft nəqli sutkada 17,5 milyon barelə yüksələrək müharibədən əvvəlki səviyyənin 98%-ni təşkil edib. Hörmüz boğazından keçən axınlar, əsasən Səudiyyə Ərəbistanının hesabına, iyunun sonundakı pikə — günlük 13 milyon barelə yaxınlaşıb.

“Goldman Sachs” isə Bəsrə körfəzindən ümumi ixracın sutkada 23,3 milyon barelə çatdığını vurğulayır. Bankın analitikləri sentyabrda Səudiyyə Ərəbistanının ixracının 2 dəfədən çox artdığını, İranın ixracının isə azaldığını bildiriblər.

Ekspertlər xəbərdarlıq edirlər ki, neft axınının bərpası təhlükəsizliyin tam təmin olunması deyil, sektorun risk şəraitində işləmək qabiliyyətinin artması deməkdir.