17:10 - 21.08.2026

---

21 avqust, Fineko/abc.az. Mənbələrin verdiyi məlumata görə, "Claude" süni intellekt modelinin tərtibatçısı olan "Anthropic PBC" gözlənilən ilkin kütləvi təklifinin (IPO) həcminə görə İlon Maskın "SpaceX" şirkətinin rekord göstəricisini (86,2 milyard dollar) geridə qoymağı planlaşdırır. Şirkət bu ayın sonunadək mega-IPO üçün müraciət etməyə hazırlaşır.

Məlumata əsasən, bu ilin may ayında 965 milyard dollar dəyərləndirmə ilə 65 milyard dollar investisiya toplayan 5 yaşlı "Anthropic", əsas rəqibi olan "OpenAI" şirkətini qabaqlayaraq birjaya daha tez daxil olmaq niyyətindədir.

"Anthropic"in bu addımı 2026-cı ili ABŞ-də IPO həcmi baxımından tarixin ən uğurlu ili edə bilər. Avqustun 19-na olan məlumata görə, ABŞ birjasında yeni debüt edən şirkətlər artıq 160,6 milyard dollar toplayıblar ki, bu da 2021-ci ildəki 195,2 milyard dollarlıq mutləq rekorda sürətlə yaxınlaşır.