16:32 - 7.08.2026

---

7 avqust, Fineko/abc.az. 2026-cı ilin birinci yarımilində işğaldan azad edilmiş ərazilərdə “Böyük Qayıdış” proqramı üzrə ümumilikdə 340 layihə icra edilib.

Maliyyə Nazirliyinin məlumatına görə, həmin layihələrin maliyyələşdirilməsinə 1 milyard 64,1 milyon manat vəsait yönəldilib.

Hesabat dövründə ən çox maliyyə vəsaiti nəqliyyat və sosial sahələrdəki layihələrin icrasına ayrılıb. Belə ki, 76 nəqliyyat layihəsinin icrasına 505,2 milyon manat (icra 48%), 182 sosial layihəyə 400,5 milyon manat (icra 23%), 36 su təsərrüfatı və meliorasiya layihəsinə 7,6 milyon manat (icra 3%), 11 energetika və sənaye layihəsinə 15,4 milyon manat (icra 11%), 19 müdafiə və hüquq-mühafizə layihəsinə 60,3 milyon manat (icra 42%), 16 sair layihəyə isə 75,2 milyon manat (icra 31%) xərclənib.