14:27 - 6.07.2026

---

6 iyul, Fineko/abc.az. 2026-cı ilin birinci yarısında əmtəə bazarındakı kənd təsərrüfatı məhsullarının qiymətlərində kəskin qütbləşmə baş verib. ABŞ/İsrail-İran müharibəsi fonunda artan geosiyasi risklər, logistik problemlər və iqlim dəyişiklikləri bəzi məhsulların qiymətini kəskin artırdığı halda, digərlərini ucuzlaşdırıb.

Bahalaşan və Ucuzlaşan Məhsullar:

Düyü və Pambıq: Ən kəskin artım düyü (+24%) və pambıqda (+19.5%) qeydə alınıb. Hindistanın ixrac məhdudiyyətləri düyü tədarükünü daraldıb, ABŞ-dakı quraqlıq isə pambığı bahalaşdırıb.

Buğda və Soya: Buğda 16.2% (6.8825 dollar/kilə ilə son iki ilin zirvəsi), soya isə 9.2% bahalaşıb. Buna yanacaq və gübrə xərclərinin artması, həmçinin Hörmüz boğazındakı lojistik böhran səbəb olub.

Qəhvə, Şəkər və Kakao: Qəhvə 15%, kakao 16.3%, şəkər tozu isə 1.3% ucuzlaşıb. Braziliyada rekord qəhvə məhsuldarlığı gözləntisi (illik +14% artımla 71.9 mln kisə) və Vyetnamın ixrac tərəqqisi qiymətləri aşağı salıb.