15:49 - 3.07.2026
3 iyul, Fineko/abc.az. "Anthropic" şirkəti Çindən öz süni intellekt xidmətlərinə girişi məhdudlaşdırmaq üçün tədbirləri gücləndirir. "Financial Times"ın məlumatına görə, "Ant Financial" və "ByteDance" kimi şirkətlər "Claude" ilə işləmək üçün xarici strukturlardan, VPN-lərdən və bulud xidmətlərindən istifadə ediblər.
Bu cür sxemlər qanunları pozmasa da, "Anthropic"in qaydalarına ziddir. Buna cavab olaraq şirkət şübhəli fəaliyyəti, o cümlədən saat qurşaqlarının və "tranzit" xidmətlərin təhlilini, həmçinin "Microsoft Azure" bulud platformasının istifadəsini daha aktiv şəkildə izləməyə başlayıb.
